Khatti Chatni Jaisi Maa,
Yaad Aati hai Chauka-baasan,
Chimta Fukani jaisi Maa...
Baas Ki Khurri khaat ke upar,
Har Aahat pe kaan dhare,
Aadhi Soi, Aadhi Jaagi,
Thaki Dopahari jaisi Maa.
Chidiyo ke chehkar mein gunje,
Radha-Mohan Ali Ali,
Murge ki aawaz se khulti,
Ghar ki kundi jaisi Maa.
Biwi, Beti Behan Padosan,
Thodi Thodi si sab mein,
Din bhar ek rassi ke upar,
Chalti Natni jaisi Maa.
Baant ke apna Chehra Maatha,
Aankhen Jane kahan gai,
Fate Purane Ek Aalbum mein,
Chanchal ladki jaisi Maa.
-Hindi / Urdu shayar Nida Fazli
No comments:
Post a Comment